شائعة وفاة السيد الرئيس ...ادام الله عزه .... طلعت مجرد تهييس ؟؟؟؟

السؤال مش فموته ... خالص الموت عالينا حق "عدويه" بس أيه سبب التهيس" تخيلو وش أصفر بيضحك ضحكه صفرة " هو دا السؤال المهم .... ليه الشعب أبتدي يهيس ... الحقيقه أنا مبسوطه ... انه بقي بيهيس ... أي أن الشعب أصبح "coooooooool" ولما الشعب يكون كول ... سلملي عالحريه والديموقراطيه لما تقب ...المهم .... ليه يتحمل بقي براهيم عيسي باشا مسؤليه تهييس أو يمكن أمنيه 70 مليون كتكوت ... ليه أول مرة الأقي حكم مستعجل وبالذات في قضايا الشائعات اللي غالبا مبتعتبرش جريمه يعني ...ولو هي أشاعة ...ليه بتنتشر بسرعه كدة ... مش قولتلكوا "أمنيه " أمنيه دي مش صحبتي ... دي كلمه جايه من التمني يعني فعلا الأوشاعات دي نوع من الأمنيات التي يتمني البعض حدوثها.... المهم ..... هو مش ممكن الدفاع فالأستأناف يقول أن دي أمنيه مثلا من براهيم باشا عيسى.. وساعتها المحكمه .. مش حتحكم غير بالبرائه .... ودا لأن محدش بيتحك علي أحلامه ولا أمنياته ... وخصوصا أنها أمنيه جماعيه ....

............................................

الحقيقة انا عرفت الأشاعة بعد ما اتحكم علي براهيم والإبراشي وعطيه ... والحقيقة أستفذني حوار بتاع واحد مش فاكرة أسمه هو رئيس حزب شباب مصر بيندد فيه بخطر الأشاعة اللي طلعها عيسي ؟؟؟ " مع أن مش عيسي اللي مطلعها " و ان دا بيهدد الأمن القومي .... يعني هو كان ايه اللي حيحصل ... السؤال بقي بتاع أيه اللي حيحصل دا انا قعدت كدة أفكر فيه والحقيقة كنت راكبه تاكسي مروحه بيتنا وانا علي كوبري أكتوبر قولت ,,,, يا لهوي معقوله الشعب بيحبه أوي لدرجة ان الناس مكنتش عايزة تصدق ...يا لهوي يعني لو كان مات بجد مكنتش الناس حتعمل انقلاب مدني بقي ونعيش اجواء الثورة بعد ما عدي عليها أكتر من 50 سنه .... يعني أحنا في حاجة لثورة جديدة تجديد دم ... او يمكن نرجع بيها عز أيا الملوك فؤاد و محمد علي باشاش الكبير..... يا نهار أسود الناس معملتش حاجة ... طيب هم حيستنوا أيه ,,,, أي نعم أنا عايزاها ملكيه ... بس مش توريث يعني ...ملك أحنا اللي نجيبه ....؟

...............................................
و بعد الأنقلاب تسألت يا تري حنختار الريس بتاعنا قصدى جلالة الملك المفدي من مصر ولا من ألبانيا .... الحقيقة قعدت أفكر لاقيت أني لو حبيت أختارم نهنا مش ممكن حقدر الاقي حد لان كل الأغنيه اللي ممكن يكونوا ملوك هم الوزراء الفاسدين .... و أنا مش ناقصين فساد ....ريحتنا بقيت ولامؤخذه منتنه........ فقلت أيه رأيك يا بنت يا ياسو تختاري رئيس موريتاني ...." وش أصفر مزبهل " موريتاني أيه يا وليه .... دا دم جديد خالص علينا وبعدين أحنا وخدين علي الحكام البيض تيجي أنتي تضلميها من موريتانيا ... بس بعد ما ضربتها فدماغي لاقيت أن الأسود مفيش أحسن منه ولا أيه ....؟

التحـــرش الجنســـــي

و رؤس النعـــــــــــــام

الحقيقة انا بشكر محمد عبد المنعم الصاوى ....مش عشان هو صاحب المجلة اللي باكل منها عيش أو عشان هو صاحب الساقية لكن أنا فعلا بشكرة على حملة التحرش وأستنكرت بشدة ... الصحفية ... اللي كتبت في أخبار اليوم بكل جهل عن موضوع التحرش الصحفية إلهام أبو الفتح .... مين قالك أن هذه الحملة غير مدروسة .... هي طريقة من الطرق للحث فهي تنطلق من مبدأ كما تدين تدان ... مثلما تفعل ببنات الناس قد يُفعل ذلك في أمك اوأختك او زوجتك ..... لمتي سنظل منكسين الرؤس أمام مشكلتنا الأجتماعية ,,, حتي لو كانت حالات التحرش قليلة ... فلا ننسى أن سلبية المجتمع تحول دون أعتراف كثير من النساء عن أحداث التحرش بهن خوفا من النظرة الدونية لهم ...

إلى الصحفية الفاضلة إلهام ابو الفتح ... هذه دعوه منى أنا ياسمين السبع بان تستقلي اتوبيس 919 خط عمرو ابن العاص مدينة السلام في وقت الذروه .... و حدثيني عن ما سيحدث لكي في غياهب هذه المواصلة ...

وشكرا

عندما نشوه المستقبل بسخافات ....... ميلوديهيات

عندما يظهر بوبي هذا الفتي الأبيض ذو الكتل الهلامية ... خالعا ملابسه السوبرية .... متجها لانه قرر فجاة ان يتخلص من حياته التي اصابها الملل شخصيا .... فتظهر فجاة تلك الحسناء ذات الصدر المرتج الهلامي ..... لترجعه عن فكرة أنتحاره فينظر لعينيها الزرقاوين و تترجاه ان يعدل عن فكرة الانتحار و تذكره بابنه الزنجى "شكلها متصرفة فيه" حتي يقرر ان يعود فتظهر لك مؤخراتهم الهلامية .......

......................................................................................

ما سبق هو عرض سريع لما تتضمنه إعلانات قناة ميلودي"تتحدي الهبل " الملل .....

اعزي نفسي وكل من كان امله أن يخرج من ظهر جمال عبد الناصر ...

رجالا يحملون فكرا ومبدأ وهدف إلا انه قد خابت كل الظنون ..... عندما يخلق جمال اشرف مروان هذا الفكر في عقول الشباب الذي هو علي شفا حفرة الهاوية ... وهذا إن لم يكن في قاعها ....

أشرف مروان

فاصل إعلاني ......

تقف سيدة منكوشة في شرفة منزلها ... لتنشر الغسيل و فجاة تقف معلنه بملابس

زوجها الداخلية "البوكسر" رغبتها في تقليد شاكيرا .... و يرد عليها عربجى بشكل

قمئ "شاكيرا شاكيرا "

" اول إنجلش ..أول ذا تايم"

.............................

عدنا ...

مش حقلكوا قاطعوا ميلودي ... حتقاطعوا أيه قطيعة .... بس لازم يكون فيه حل لإيقاف هذه المهزلة .... وكفى إستخفاف بالعقول

أبجنى تجدنى...... وعجبى

عندما نصبح مجتمع فاسد و لا يقتصر الفساد علي السلطة بل يتواجد على كافة الأصعدة والمستويات ...و تصبح الرشوة و باللغة الدارجة "الشهيصة" و تمد الأيد من تحت الأوراق أو من فوقها أو في الدرج المفتوح .....

الحقيقة وعقبال الحبايب انا جبت عربية جديدة أهي ...

الله يبارك فيكوا

المهم قولت روح أعمل ترخيص ليها وعشان أخلص رحت عملتوا تبع والدى في الشرطة العسكرية المفروض أن الورق كل يتكلف بالكتير 300 جنيه بالمواصلات والبنزين ... ألحقيقة اكتشفت أني صارفة 600 جنيه من أول عامل الفحص لحدج أستلام النمر والمندوب اللي معايا عمال يطلع عشرة للورق و سبعين للبشر لما بقيت حتجنن .... المشكلة ان الموظفين بتنح الحقيقة كنت حموت وأصورلكن كلكوا عارفين أن المناطق العسكرية ممنوع التصوير فيها وهي دي الحصانة ... المصيبة أن اللي جوه السور بيرتشي واللي بره السور برتشي ..ط يب أعيش فين الحقيقة فكرت فوق السور بس المشكلة ان فوق السور سلوك شائكة

و علي غير العادة .... و بدون أدني مسئولية .... انا نجحت ...... كلمة بحاول أقولها من 4 سنين .... و مكنتش عارفة انطقها و دا بسبب رفيقي العزيز الصفر المتين المنقوش بأدين الدكتورة نيفين ....... و من كتر فرحي بالشهادة لفظت أخر كتاباتي ..... من غير الصفر حنعمل أيه
بعد الصفر أبو قلب متين ...
انا حتنيل و العب فالطين ....
وسبني فعز الحوجه اليه ...
......
كنت زمان طالب فاشل

طب دلوقتي حتسمي انا ايه
عاطل
باطل ....
طب والنبي يا جماعة قولولي ....
الصفرأحسن ولا تقولو أيه....؟
أيه ..ايه ...ايه ...ايه ..؟
عاطل
باطل
فاشل
جاهل ...
كلها ألقاب لشوية وقت
و لكل حقبة لقب يوازيها ...
بالمنطق جيت أوزنها
بعقل
لاقيت الصفر كان أأمنلى ...
و بعد الصفر ...يا ميت ندامه ..... بقيت متعرى

شربت من كاس محبوبي و عشقت نيل اسمر نوبي .......؟ الله يرحمك يا شيخ إمام... المهم بوست انهاردة حيخلي كل واحد فينا يحس أنه شراب .... تتبعوا معايا الأحداث كدة وأكد الوزير في تصريحاته الاطمئنان علي الأمن المائي لمصر الذي يوفره السد العالي وبحيرة ناصر و أن اتفاقية 1959 التي تنظم استخدام مياه النيل بين مصر والسودان تقضي باهمية الحفاظ علي منسوب 175 مترا امام السد العالي عند نهايته واول كل سنة مائية جديدة اي نهاية يوليو واول اغسطس من كل عام. ولما كان منسوب المياه في بحيرة السد العالي حتي امس الاول لا يتجاوز 172 مترا و35 سنتيمترا فإن الفرصة متاحة علي مدي الايام الباقية من الشهر الجاري الذي يمثل نهاية السنة المائية 2006/2007 لتمتليء البحيرة من الخير القادم حتي منسوب 175 مترا اذا ظلت الامطار علي الهضبة الاثيوبية علي غزارتها. وبذلك تتوالي شهور الفيضان لتمر بحيرة ناصر بمرحلة التخزين الحي للمياه الجديدة فوق منسوب 175 مترا للسنة المائية الجديدة 2007 ­2008 والاستمرار في التخزين حتي منسوب 178 مترا في حالة استمرار هطول الامطار. ثم يبدأ بعد ذلك التخزين في منسوب الطوارئ الذي يسع 32 مليار متر مكعب مياها من منسوب 178 مترا حتي اقصي منسوب للسد العالي وهو 182 مترا والذي يعادل حجم المخزون في البحيرة في حالة الوصول لهذا المنسوب كميات مياه قدرها 162 مليار متر مكعب وفق التصميم الهندسي لبحيرة السد العالي. وما يزيد علي ذلك يصرف لمفيضات منخفض توشكي وفي نفس الوقت توفير الاحتياجات المائية لكل من مصر والسودان سبحان العاطي الوهاب

و يجيلك خبر بالشكل دا

نقلا عن المصري اليوم- تصوير - "السيد الباز"؟

يبقي سبحان العاطي الوهاب ...السلطة لشوية كلاب ولا لأ
لما الناس تموت من العطش و نهر النيل بيشق ارضها ... و بيرمح بالخير ... و عندنا ميه تكفينا مليون سنه قدام ... أصل دول لما المية تتقطع عنهم مش حيروحو يجيبوا نسلة ولا بركة ولا سيوه ميه معدنية ... دول معهمش يكلوا أساسا و اقرب حاجة حيروجوا يشربوا من الترع اللي بتستحمي فيها البهايم ... و تقولوا للستات متغسلوش فالترعة طيب يخسلوا فين والميه مقطوعة من 5 سنين .... العيال الصغيرة يقضوا حاجتهم فين و ازاي و بتسألوا الناس بيجلها تسمم من أيه ....


حسبى الله و نعم الوكيل

أشوفك و أنت قاعد فالكنيف و الميه مقطوعة عليك

البوست دا بردو عاطفي ... !
اللي خلاني أكتبه .... كلامي أمبارح مع حد عزيز عليهعم النوبى .... دخل المدونه عشان كنت عايزة رايه في بلاد العرب البوست اللي قبل دا على طول .... لاقيته مستغرب و بيقولى أني ليكي شخصيتين يا ياسمين ... قولتلوا ازاى ....؟ قالي اللي يشوفك و يقعد معاكى يلاقي حد غير الكلام اللي بتكتبيه حسسيت ساعتها ان قلبي وجعني قوي لأنى عارفة أني حقول كلام صعيب عليه .... قولتلوا لما حد يدور على حضن أم و ميلاقيهوش و لا يحس بدفاه بيبقي أجباري بيدور علي حضن ينتمى ليه .... و أنا اخترت حضن البلد دي أترمي فيه ...هو فيه حضن فالكون يسع 70 مليون بنى ادم ....قالي و يساع قدهم ميت مرة قولتلوا انى لما بسافر لأمي البيولوجيه ....ببقي فرحانه بس مجرد ما بركب الطيارة بحس أني زي الشجرة اللي جلها قرار أزاله و نقلوها ....و لما أتكشف جدرها و اتشعلق جف و نشف و كل الساق مات و الاوراق بتدبل ... يا عم النوبي مصر دي بجد ام ..... وولادة و حتجيب اللي يطيب جرها منها مش من براها ز....... طيب أنا راضية ذمتك لما حضنها يعيا و يجلها شوية برد ابعد عن حضنها عشان متعديش ....ولا أفضل جنبها لحد ما البرد يطلع ... و اضحك معاها و اخد الدوا بدلها كمان ..... دي مصر يا عم النوبي مصر ....اللي من سبع سنين أترميت فحضنها و عمرها ما قلتلى زهقت....!؟

بلاد العـــــــرب

كان فيه زمان .... كان يا مكان بلاد جميلة ..اسمها بلاد العرب ...
كان الرجال .. لهم نخوة ... و للحريم كل احترام ...
و العيال من كتر الأمان .....بتلعب فالشوارع من غير خوف ولا خشيه
... من طيارة امريكانلى ولا دبابة صهيونلى

كان فيه زمان... كان يا مكان ... بلاد جميله أسمها.... بلاد العرب

تصحى علي شمسها فالجناين الخضرة مزهزهة .....
و تشرب من نهر فاض بالخير علي أرضها
و تاكل من تمرها ...و عنبها و تشم الفل الأبيض ...من فوق خدود أرضها ....
تحب تزرع فى خيرها و تحصد فى خيرها
و تنام قرير العين .....لانك في بلاد العرب

كان فيه زمان ...كان يا مكان .... بلاد جميلة أسمها..... بلاد العرب

بيمر العمر و بيجرى ... والشمس ما عدتش بتنور ....
و القمر المحاق في سماها فعز ليل أربعتاشر مستخبى
الأرض بور و النهر مالح .... و الفل مات فجناين إصفر ورقها من الفساد ...
إتحرق
الضرع جف ... و النخل ميل عالأرض ميت ..
و الصلب مش قادر ... يولّد ... من جديد ...شعب مات و اتقهر

كان يا مكان ..... كان فيه زمان ...بلاد جميلة أسمها ...بلاد العرب

أنا جبت الخريطة .... و شاورت بالقلم ...لولادي على مجد اتهدم
هنا صورة لنهر كان أسمه النيل وجف ......
و هنا كان مسجد اسمه الأقصى وأتهدم.... و كان هنا هرم وكان هنا برج ...
كان اسمه برج العرب ......
و دي القيروان ...
و دي كانت قصور ايام أمجاد العرب ...

يا ولادي كان يا مكان .... كان فيه زمان... بلاد جميله اسمها..... بلاد العرب

و بكيت على اطلالى ... وولادى مش فاهمين .....
و قالولي متبكيش عاللبن .... اللي وقع من سنين
عارفين أنها كانت بلاد ...جميلة اسمها مجازاً... بلاد العرب

جيفارا بن لادن .... بن لادن جيفارا


فيه حد قريب قوى مني سألنى سؤال انا الحقيقة وقتها معرفتش ارد .... وهو بأعتبار أن جيفارا مناضل و ليس مرتزقة ......فهل بن لادن بردوا مناضل مش مرتزقة ...و ارهابى .....؟
الحقيقة انا لاقيت الدنيا بتلف بيه ...و بقى لكلام يخبط فى دماغى و اقول ...هو بن لادن دا ارهابى فعلا طب أزاى دا كان بيحارب مع البوسنة و الشيشان قدام الروس ..... يعني كان زيوا زي جيفارا بيدافع عن وطن مش وطنه لناس مش أهله طيب مهو كدة زيوا زي .... جيفارا و الرفقاء؟

أتلخبطوا زيي صح ......اللي فهمته من الناس اللي حولية أن بن لادن و رفقائه كانوا مزقوقين و متمولين من أمريكا ....و هنا بقي نختلف عن جيفارا لأنه كان بيحارب الإمبريالية الامريكية و أحتكار الرأسمال العالمي للسوق ....... كان بيحارب أمريكا ذات نفسها .... هنا بقي أبتدت الدنيا تبان قدامي على أن بن لادن زي العروسة المريونت ....و تطور و بقي شماعة و تنظيم القاعدة هو البير الكبير اللي بنرمي فيه كل زبالة العالم اي حادث أرهابي من تنظيم القاعدة ...و يجيب و احد و يقولوا دا اسامة بن لادن و خيمة و يحطوا ...جنبه بندقية .....و يقول بيان يعلن فيه عن مسئوليته عن العمل الأرهابى الشنيع ..... و لو مش هم ...يوقولك جماعة مش عارف مين المنشقة عن تنظيم القاعدة .... و لو ملقوش حد يخلوه يقول بيان يقولك لجنه و تقصي حقائق ...وفالاخر اما اشتباع بتورط القاعدة أوالحادث ضد مجهول .....المهم .....بعد فترة لاقيت امريكا قلبت جامد علي بن لادن و حرب افغانستان .... و ظهر الرفقاء أمثال الظواهرى ,,,,,و اللي قال ماتوا و اللي قال مختبئين في مجاهل تورا بورا ...... واختفت القاعدة .....بوش لاقى نفسة قاعد ساكمت و مش عادته قالك نقلب علي العراق ... و هب أسلحة نووية وهوب اضرب و هوب مفيش سلاح فالعراق طباعمل ايه ....قالك احنا بنتتبع تنظيم القاعدة ... من بعد مقتدى الصدر .....و مسكوا تاني في تنظيم القاعدة ..... مش حاسين معايا أن تنظيم القاعدة دا خد كتر من حقة و زيادة,,,,

الحقيقة بعد اللي حسيت أني فاهماه و ربما يكون غلط ..... ان جيفارا مات ...... و ان معدش فيه وطن عشان ينتمي له في ظل ضياع الهوية و
الأوطان
السؤال المهم بقي ....هو بن لادن مناضل ولا مرتزقة ولا وهم صنعناه و حلم باظ عشان احنا لازم نتغير.....؟
يا ريت حد يجاوب عالسؤال

أستفزاز

الحقيقة معرفش ايه اللي حصل بس انا فيه شى أستفزني بعد القتال بين فتح و حماس
ووصلت للنتائج دي .......خلوا بالكوا طويل معايا ,,, بقي و اسمعوا و اعوا
الصورة دي لأطفال مننا كان ممكن يكونوا أحنا أو أهلنا او أولدنا شخصيا ركزو فالصور

طبعا كلنا عارفين أن منهم اللي أتقتل برصاص الصهاينة و منهم اللي اتقتل برصاص جيش بلدهم و منهم اللي اتقتل عشان الفتنة الطائفية و منهم اللي أتقتل تصفية خلافات رئاسية ...... كل دا عارفة أنه برا مصر ..... بس منستبعدش أبدا انه ممكن يكون قريب أوي فقلب مصر لو استمرينا فالسكوت ..... الفتنه حتقتل ولادنا و الجوع حيقتلهم ... و المندوب السامي حيبعت أعوانه يقتلوهم بس مش بالرصاص لأ باللبن المغشوش ... والقمح المسرطن ... و الفول المسوس و كل دا ...يعنى الوضع مش فارق كتير "تعددت المسببات و الموت واحد" طيب حد سأل نفسة سؤال "لما جيل كامل من الاطفال يطلع مسرطن أو يمت و هو لسة مخطاش العتبة ..." مين يعمر الأرض ... منين يجيبوا جيش بعدوا بعشرين سنة مين يداوي جراح الناس بعد عشرين سنة .... الناس بتقضي علي المستقبل ....تقريبا عندها امل أنها تعمر لحد أحفدها ....و يبقي السلطة فايد جد جد جد جد جد جد جدى.....؟
"لامؤخد يا ماما سوزان أنا ناوية لما اتجوز اجيب جيش بحالة عالاقل يدافع عن البيت لما يجيلوا امرازاله عشان متروا

ومش ححدد النسل ...دا رزقهم من فوق أنتي عايزانا نقطع الرزق"....؟

طيب يا تري دا بيفكر ازاي يقضي عالارض بعد ما قضي أبوه و امه عالجنس البشري بالسرطان و تحديد النسل و مش بعيد التعقيم كمان يعني ايه طفلين أنسب شئ لمعيشة الاسر ة" قولوا عليه رجعية مش حزعل " بس اللي بيموت دا مين يحل محلة لما يقتلوا جيل و يحددوا النسل الشعب يجي منين من الأستنساخ مثلا

....

لما الصهاينة يخلفوا قرطة والامريكان .... و يبنوا جيوش كبيرة يدكوا بيها العرب و اطفالهم ...لما الصهاينة يبعتوا لولادنا برقيات بالكتيوشا و الصواريخ بعيدة المدي .... يبقي حق لما نخلف قرطة فيوم يعيش منها اللي يدافع عن نفسة وارضه و عرضه

ولما حماس و فتح قتلوا فبعض عشان السلطة و خدوا الأطفال فالرجلين انا ضد فكرة القتال بين أبناء الوطن الواحد لأوالادهى أن ليهم عدو مشترك ........ طيب يتكاتفوا عشان يخرجوه من أرضشهم لأ وصل بيهم الحال يدبحوا فبعض و كل دا تحت مرئى ومسمع من حكامنا الفئران



بحق كل حرف في هذه الكلمة لكل حكام متخاذل ...."أنت صهيونى".....صهيونى صهيونى

و ماتوا اخرا لرجال المحترمين لكنهم أحياء بما صنعوا

الشيخ زايد بن سلطان آل نهيان رئيس دولة الإمارات العربية المتحدة

عشت في عهدك ازهى سنين حياتي

رحمك الله

الرئيس الراحل جمال عبد الناصر

أتحكالى عنك .... و اتحكالي عليك اللي يرفع من شأنك و اللي يشككني فيك بس الاكيد حبيتك لاني عارفة انك كنت عايز تعمل مصر صح

عزيزى تشى جيفارا

عندما يكون النضال باسم كل الأوطان و عندما يصبح كل العالم وطناً لى

حقيقي كلهم ماتو بالأجساد لكن اللي عملوه يعيش بعدهم الاف السنين

مغلق حتي إشعار أخر

موطني

البوست دا مش سياسى قد ما هو وطنى و عاطفي ...ممكن مجازاُ نسمية وطنى

أكتشفت أن حبك لبلدك هو دا الحب اللي كل بنت بتحلم بيه و الله بدون مبالغة علاقة مثل زواج الكاثوليك لا طلاق فيه لما تعاكس معاكي مبتقوللهاش أنتي من طريق و انا من طريق مبتعرفيش تزعلي منها و قد ما بتديها هي بتديكى دوبل الدوبل حبك لوطنك مش بيتجزاء و مفيش وطن تاني بيشاركة فيه

..............................................

حب الوطن فرض مش اختيار .... و حق وطنك عليك و راحة لقلبك لانه بيشعر بالأنتماء المثالي ..... و ساعت متحس انك بتحب وطنك بجد تبقي وصلت لأسمى معاني الحب

.............................................

بحبك بحبك بحبك يا مصر

...........................

الاغنية اللي بهديها ليكو دي غناء المطرب العراقي "الهام مدفعى"و النشيد هو نشيد "موطنى" النشيد دا زيه زي أسلمي يا مصر كدة بس أسمعوه بقلبكو حتحسوه قوي انه لمصر

.............

نشيد موطني

أول طلعة ...............................؟

هو دا بقي اللي "حيأخذ من كل رجلٌ قبيلة" و سلملي احلي سلام مربع للحزب اللي فكروا جديد و حيعبرللمستقبل ...................بس يا تري خطة العبور المرة دي فيها أول طلعة جوية.....؟

حرام بجد كدة .... انا معنديش صحة لده كله

الحقيقة بعد فرحتي بأن احمد حيسافريتعالج اتنكدت أنهاردة وانا بقرا صوت الأمه ......الحقيقة ضغطي ارتفع و جالي نزيف من المناخير و كانت بهدله و زميليس فالمكتب قالي يا بنتي حرام عليكي نفسك هو كل يوم ...قلتلوا يا أحمد ما هي حاجة تنقط و اديته الخبر يقراه

الحقيقة احنا بعتنا نتطمن علي احمد بردو لانه أغمي عليه ,,,, المهم .....بكل ذوق وادب و احترام ....

يا سيدي الرئيس إن مرضاً عضال ينخر مسوساً في اساس القانون و لك أن تغيره كما تغير مواد الدستور ....فنأمل أن تنظر للقانون علي أنه يخدم ....السيد المحترم جمال مبارك و تبدأفي تعديله ,,, أسكنك الله فسيح جناته ....


و النبي ما تكسفني قدام الشعب

الكيمتـــــريل

يادي الهنا يادي النور
"Cimitrel"

عندنا
يا مرحبا يا مرحبا

لا دا مش شامبو جديد .... دا اخر سلاح دمار شامل وصلوا العلم الامريكي المهبب دا بقي عبارة عن أيه ....الحقيقة الدكتور منير الحسيني بيقول انها مجموعة من المركبات الكيميائية محولة لغازات و بها نستطيع ان نتحكم فيالطقس .... يعني متستغربوش لما تصبحوا فيوم يقولولكو تجمد الخليج العربي و تساقط الثلوج في السودان و بعدين بيكمل الدكتور المصري الباحث في مجال البيئة ان هذه الغازات أستخدمت من قبل في تغيرات مناخية غير عادية مثل ايقاف الامطار علي موسكو اثناء زيارة الحاج بوش في أحتفلات 2005 بتاعت روسيا و بيقوم بنقل هذه الغازات مضخات مثبته في أسفل الطائرات المدنية و الحربية والنفاثة ,,, و ذلك علي مرئ و مسمع من منظمة الصحة العالمية و يشير في تقريرة عن ظاهرة الجراد التي واجهتها مصر منذ عامين ,,أنها كانت نتيجة لهذا المركب و أنها تغيرت بالأتجاه نتيجة لتغير المناخ و ظهور منخفض جوي في منطقة جنوب أيطاليا و البحر المتوسط و اشار أيضا ان أحداث صعق الفلاحين بالحقول المصرية يرجع لوجود هذا المركب في أجواء الجمهورية ..... و العاقبة عندكم فالمسرات .....و النبي مش كفاية القمح المسرطن و الحمي القلاعية و انفلوزة الطيور هي ناقصة حاجة كمان ..... هو أحتنا عايشبن ليه ما نقوم نموت أحسن

دا من زوقك و الله

الصفحة الأولى "جريدة الاهرام " بتاريخ 14- 06 - 2007

يا بركة دعا الوالدين ..أخيرا و بعد كل ده البيه خد بالو و تعطف علي الولد الغلبان ده اللي بكرة بتاعة بقي مش زي ما كان بيحلم ...قال و شوفو فشر الجرايد الللي بيتقال عليها قومية "بلا خيبة" ... لم يتوقع الأب محمود أحمد ......... إلي أخر الخبر..... ليه لم يتوقع و هو مش من حقة أنه ابنه يتعالج ... ولا هم بس فالحين يبعتو الرقاصات و الغواني يتعالجو علي حساب الناس قصدي الدولة يعني ...ايوه أمال أنتو فاكرين أيه بيستقطعوا من رواتبكم للتأمين الصحي اللي "حيقبضوه مع الشركات القابضة "عشان يسفروهم يتعالجو ..انا سعيدة أن أحمد حيسافر يتعالج برة بس انا عايزة أقولك يا أبو أحمد انه مش بيمن عليك .... دا حقك و حق أبنك اللي بسبب عدم أمانة الناس و عدم أتقانهم شغلهم لان المال السايب يعلم السرة و إن غاب القط العب يا فار و كل واحد بيرمي جريمته علي اللي بعده . فبأكد ان دا حقك .... و منقدرش منقولش شكر ا للريس علي انه أخيرا خد باله ...بس يا تري الموضوع حيخلص علي كدة ولا بكرة حنلاقي كل ولد عفرته زيادة اديه مقطوعة ........ أتقوا الله

اللي يحب النبي

سقفة محبة في رسول الله ...اللي يحب النبي يصلي عليه ......قرب قرب ..لا تقولي صيني ولا كوري بلطجة مصري علي حق ..و السنج و المطاوي من باب الخلق .. و الجنازير صناعة وطنية ... قرب قرب ...أي حد عايز يبقي عضو مجلس شوري أو شعب ...يقرب أحنا فخر الصناعة المباركية ..قصدي الصناعة الوطنية ..و عندنا الجديد كلة ..... أعوان لزوم التحرش و بلطجية لزوم التأفيش ... و لو عايز تجرس حد عندنا معددات و طنية من قلب الحينسة ,,, و لو نفسك هفتك علي أي حاجة متترددش ..... اتصل

حكومة الوحدة الوطنية .... و علي راي نادية الجندي "سلملي عالبتنجان "

زورونا تجدوا ما يسركم

فزوئوا الشيطان

http://www.6rbqtr.com/6rb/index.php?action=pages&id=3071
نقطة نظام

..متستعجبش... أيوه فزوئوا الشيطان ... الشيطان مش شرط أبو قرنين "لأ الموضوع أكبر من كدة"

مطولش عليكوا قولي طولي.... أن أبويا مرة زمان قالي وان بحج كانت الستات ترمي الحجر بغلّ و تشتم و تسب و تلعن الشطان ... "انت اللي طلقتني من جوزي انت اللي خلتني أخون انت اللي........ " و هكذا و كأن الشيطان دا

هواللي بيعمل كل حاجة وهي غلبانه

سيبكوا بقي من الرغي دا كله.... اللي لفت نظري فالموضوع الشاهد اللي بيرمي عليه الحصي متهيألي ان الشطان

بيكون موجود هناك

...
اللي هاممنى اكتر يا هل تري الشيطان ...مربوط ولا متفزواء"يعني قاعد علي رأش الشاهد" أعتقد ان كل واحد ممنا بيشوف الشطان

اللي بالطريقةهو عاوزها لأن كل واحد فينا عندو شطان

"spicial "
عموما الفكرة الأنقح بقي ...ان لو اللي بيرمي الجمرة دي من شياطين الإنس"اللي هم الناس الوحشين المسوسين" ممكن يكون بيرمي نفسه ... يا لهوي....! و كمان متفزواء علي الشاهد ... ياعيني يبقي بيتضرب ومن روحه و متفزواء...
ربنا ما يجعلنا من شياطين الأنس و لا اي شياطين خالص


دعوه لفزواءة أي شيطان

بمناسبة عيد الميلاد "4-مايو-2007"

يا معفن فالكرسي ولازق.

.يا مخلل فالحكم و ثابت

سنة دنيا دي أيه يا أخونا

دا فرض العين لهري بدنا...

يالله يا ناس قوموا يا نسوانا

أرقعوا بالصوت ولّولو علي حالنا..

.لسه العمر فاضلوا بقيه ..

دالي فات من عمرة يادوب... 80 فالمية

تقدروا تقولوا أنا

عادي

فستكونيا

منتظرين أيه

طاسة الخضه....

فوزية "مصر أتخضت باليل"....

يالهوي يا مرسى و العمل ...

مش عارف يا فوزية بس أكيد فيه حل...

التلفزيون ...

بيان ... أكدت المصادر الرسميه تعرد مصر لخضة عنيفة مساء اليوم و هناك غرفة عمليات مجهزة لدراسة الموكف و سننبئكم بكل كديد علي التوالي...

شوفتي مش انا قلتلك....

أصلي حلمت يا فوزية ..ان خير الله اما أجعلة خير...ان واحد لابس أسود فسود بيرش ميه صفرة علي عتبة باب زويلة و بابا النصر و مطلع القلعة و محطة باب الحديد و التجمع الخامس عند خالك خميس... و قال وراه واحد عمال يقول كلام مش مفهوم انا بقيت أزعق ومحدش سامعني و كل الناس بتشرب من الميه اللي مع الراجل دة و محدش واخد بالوا انه بيسحرلهم ... وصحيت لاقيتني عرقان و مخضوض

طب يا مرسي تفيت علي شمالك عالله يكون خير يا سيدي

التلفزيون ...بيان

أكدة غرفة العمليات بكيادة رجال الأمن ان مصر بخير و ان هذه أشاعة مغردة و ان كل ما قيل كان بلاغ كاذب من أحد العابسين...

قوم نام يا مرسي طلع مفيش حاجة.....

يافوزية صدقيني...

قوم نام يا راجل عندك شغل بكرة

..و بعد مرور 6 ساعات

هاتي الهدو من عالحبل يا فوزية.. عشان متاخر عالشغل..

حاضر يا سي مرسي

أعمل حسابك تيجي بدري عشان أمي جاية عندنا و هات معاك فاكهه

حاضر...

يا لهوي يا فوزية بصي الميدان فاضي ازاي .. هي الساعة كام..

الساعة 9 ياخويا ..أه صحيح ..فيه أيه...؟

كش عارف أنا حنزل أشوف دا مفيش سريخ أبن يومين

ينزل مرسي ويعود مسرعا..

مفيش حد يا فوزية ... أفتحي التلفزيون ... اما نشوف اللي حصل..؟

يالهوي مفيش بث فالتلفزيون.. ولا الراديو ...

صحي ابنك يشوفلنا ايه الاخبار علي المدعوء الكومبوتر ده....

فهمي ..أصحي يا حبيبي كلم بابا....

فيه ايه يا أمي ...؟

مش عارفة..؟

قوم يا ابني أفتح التنتر نت دا شوفلنا مصر مالها مفيش حد في الشارع...

موقع أخباري يقول,, نزوح الاف المصريين خارج الحدود المصرية تاركينها للسكان الجدد بناء علي طلب الحكومة..

يا نهار أسود يا فوزية ...أيه اللي بيحصل ده

ناس مين اللي جايين يا أخويا.>>

بيقولوا حيجيبوا شعب جديد.؟

شعب جديد ايه يا فهمي اعقل يا ابني..

أيوه يا بابا احنا لازم نمشي...

نمشي نمشي نروح فين يا فهمي....

نروح مكان ما الناس ماشية...

لحظة من الصمت ثم يجري مرسي مهرولا ...

فتصرخ فوزية رايح فين يا مجنون انت اتجننت زي الباقي...

لا انا حروح أجيب طيارة هلي كوبتر ....

ليه يا خويا.....

البلد محسودة يا فوزية ....حبخرها.... بعين عفريت شايل سيفه... وعندوا مبادئ...

بيان (1)

التعديل الفنشخورى..,
السيد رئيس الجعبورية الأعظم نشخكرم علي حسن تعاونكم معنا في أرساء مبادي السكلنس داخل مضمار الحياة الوطنية
و نوجه عناية سيادتكم ان نسهر علي صحة الفنشخور المرقع اطمأناً علي عملية ترقيعة و تبين صحة العملية ...,
و نسأل الله الأ يكون قد نزف نزيفا حاداً
داعين الله أن تكون صحة ترقيعة فى القريب العاجل...في أحسن حال
أما بالنسبة للقائم علي أجراء العملية فنوجه شكر خاص لحرفيته في عمليات الترقيع الخاصة بالفنشخور....
أملين الا يوضع في نفس الموقف قربيبا حفاظاً علي صحة الفنشخور...,
حيث أكد كومسيون المرقعين ان الفنشخور المرقع لا يتحمل أي عملية ترقيع أخري وأي أقتراب منه سيؤدي لتهتكه و عدم القدرة علي ترقيعه مرة أخري...



ألف شُخر
رئيس الفستكونيا العظمي.... الشعبية ...العربية ...الفنشخورية

فستكونيا ,,, من زمن اللازمن و مكان اللا مكان و لو فاهم فهمني لان انا مخي فستك من زمان

أنا لقيت يوتوبيا و عجبتني قررت أعمل فستكونا اللي هو كل اللي انا عايزاه ويعتبر حاجة مثالية مضادة لواقعية المجتمع و الأجتماعية المعاشة"أيه الكلام المجعلص دة " المهم

فستكونيا دي منكم و ليكم

أه صحيح و بما أن فستكونيا دي جمهورية أشتراكيه فأنا حشجع المواهب الجامدة و حنقدمها في الأذاعة بتاعتنا كل يوم الساعة تسعة فقرة واهب مفستكة من الحر بمناسبة الصيف و لو محدش بعد حنلغي الفقرة دي من البرنامج

مطولش عليكو قولوا طولي فطولت وبقول ان لازم كل واحد يفكر انه يفستك معانا