توهان

أنا كل ما أحن لنفسي لما كنت بحبها أرجع في مدوناتي و ابص للي كنت بكتبه واسأل أنا أيه اللي خلاني أتوه التوهة دي .. أنا وحشني  التدوين .
 اتجوزت وخلفت وبقي عندي بنتين ... و بيت  و حكايات حلوة و حكايات تعيسة ... و الدنيا رفعتني و هدتني ... انا مكنتش عارفة قيمة التدوين الا لما كبرت ..
أخر مرة كتبت و دونت كان عندي يا دوب 26 سنه :) كانت الدنيا بتاعتي مختلفة اوي ... لا مش اوي بس ... دا أوي جدا خالص .. بشكل مرعب ... كرشي كبر بعد الولادة والسقط ... و شعري شاب .. دا أنا حتي طلعلي خصلة فضي  زي خصلة أمي اللي كنت بحبها ... بقيت شبه أمي اللي كنت بستغربها ... بقيت نسخة متطابقة في كل حاجة .. حتي في فكرة العزله اللي كانت في وقت الشباب والمراهقة محالة ... أنا في مرحلة البين بين ... كل حاجة و عكسها ... فترة التيه ... تايهة بين اللي عاوزاه و اللي ملزمة بيه واللي مجبرة عليه ... فكرت في الأنتحار والطفشان و عيطت وقطعت هدومي :× دا أنا اغمي عليا من الزعل في يوم من الأيام .

أنا مفتقدة ياسمينات العفوية العشوائية اللي كل حاجة بالنسبة لها وأيه يعني  

بقالي كتير جدا بخش اتفرج عاللي كنت بكتبو لكن مكنتش بكتب حاجات جديدة ويمكن المدونه دي أتنست بس كل ما أقراها افتقدني جدا لان انا كنت بحس بنفسي وانا باتريق واتمالس علي احوال الدنيا كنت مبسوطة جدا وانا بكتب فالمدونه دي لاني كنت بحسقد أيه أنا عايشة وبتفاعل وحشني قوي الناس اللي كانو بيشركوني فيها وفحياتي وقتها وقت ما كنت بكتب فيها بس بصراحة كون اني افضل اخنقني جوايا واحطني في قالب مش بتاعي دا بقي ضغط عصبي كبير عليا أوي ممكناكون مش بعرف أكتب كويس أوي بس انا مؤمنه جدا اني عندي ملكة اني أعبر كوس عن اللي فدماغي او عايزة أقولو ممكن اكون حلمتت يوم اني اكون صحفيه و مكنتش او مذيعة وبردو مكنتش بس انا دلوقتي فاضية جدا وقريبوي حخلي فستكونيا اذاعة مسجلة عن حالي وحال المصريين اللي استطيع ان أجزم اني لسة علي أتصال بيهم في العالم الخارجي من جوا القمقم

انتفاضة الغلابة
المحلة 2008
كلاكيت تاني مرة

من 31 سنه الغلابه ثارو علي الحكومة لما الأسعار زادت وكانت الزيادة مابين قرش الي3 صاغ....يعني 0.5% وساعتها الناس قامت مقعدتش
لا أستنت إخوان ولا كفاية ولا الكرامة ... ولا حزب وطنى حتي .... الناس الجوع والخوف من بكره هزها .... و كان ممكن تبقى هي دي البداية... لكن تشاء الاقدار ان بعد 31 سنه نتحط فنفس الموقف و نعيش مأساه اكبر مأسات الجوع والخوف والذل

نعيش عبيد واحنا أصحاب الملك.....انا كنت ضد الغضراب انهاردة لانه غير مجدي تبعا للتحليلات اللي الناس المحترمه قعدت تهاتي ... وبالرغم من دا عمال المحلهقدروا يثبتوا ان القضية لما تتوحد بنكون كلنا أيد واحدة ... وبالرغم من أن سيناريو انتفاضة الغلابة الاولي أتكررت بحرق المحلات والشوارع من عناصر تخريبية كلنا عارفينهاعشان نبان شعب همجي .... غلا ان كلنا عارفين ان محدش بيولع في تعبوا وشقاه .... وكل التحية لإنتفاضة الغلابة الثانية2008 ونتمني أن تكون الانتفاضة القادمة أكثر نظاما وسرية وتشمل كل مواطن مصري لازال غيور عليها
قيل لي أن المشهد لم يختلف كثيرا عن مشهد سقوط بغداد ولكن ينقص مشهد سقوط صدامالتمثال .... فكان ردي "مستعجلين ليه بكرة مصر تبقي بغداد التانية بس الفرق ان من غير جيوش الامريكان" حيبقي بايد جيشنا اللي كان من أمجادة تحرير مصر من الطغيان اصبح هو راعي الطاغي ... ومطبق قانون الطوارىء وبقيت مهمته محاربة الشعب بدل ما يحارب أعدائه الحقيقين.........علي الأرض السلام

شائعة وفاة السيد الرئيس ...ادام الله عزه .... طلعت مجرد تهييس ؟؟؟؟

السؤال مش فموته ... خالص الموت عالينا حق "عدويه" بس أيه سبب التهيس" تخيلو وش أصفر بيضحك ضحكه صفرة " هو دا السؤال المهم .... ليه الشعب أبتدي يهيس ... الحقيقه أنا مبسوطه ... انه بقي بيهيس ... أي أن الشعب أصبح "coooooooool" ولما الشعب يكون كول ... سلملي عالحريه والديموقراطيه لما تقب ...المهم .... ليه يتحمل بقي براهيم عيسي باشا مسؤليه تهييس أو يمكن أمنيه 70 مليون كتكوت ... ليه أول مرة الأقي حكم مستعجل وبالذات في قضايا الشائعات اللي غالبا مبتعتبرش جريمه يعني ...ولو هي أشاعة ...ليه بتنتشر بسرعه كدة ... مش قولتلكوا "أمنيه " أمنيه دي مش صحبتي ... دي كلمه جايه من التمني يعني فعلا الأوشاعات دي نوع من الأمنيات التي يتمني البعض حدوثها.... المهم ..... هو مش ممكن الدفاع فالأستأناف يقول أن دي أمنيه مثلا من براهيم باشا عيسى.. وساعتها المحكمه .. مش حتحكم غير بالبرائه .... ودا لأن محدش بيتحك علي أحلامه ولا أمنياته ... وخصوصا أنها أمنيه جماعيه ....

............................................

الحقيقة انا عرفت الأشاعة بعد ما اتحكم علي براهيم والإبراشي وعطيه ... والحقيقة أستفذني حوار بتاع واحد مش فاكرة أسمه هو رئيس حزب شباب مصر بيندد فيه بخطر الأشاعة اللي طلعها عيسي ؟؟؟ " مع أن مش عيسي اللي مطلعها " و ان دا بيهدد الأمن القومي .... يعني هو كان ايه اللي حيحصل ... السؤال بقي بتاع أيه اللي حيحصل دا انا قعدت كدة أفكر فيه والحقيقة كنت راكبه تاكسي مروحه بيتنا وانا علي كوبري أكتوبر قولت ,,,, يا لهوي معقوله الشعب بيحبه أوي لدرجة ان الناس مكنتش عايزة تصدق ...يا لهوي يعني لو كان مات بجد مكنتش الناس حتعمل انقلاب مدني بقي ونعيش اجواء الثورة بعد ما عدي عليها أكتر من 50 سنه .... يعني أحنا في حاجة لثورة جديدة تجديد دم ... او يمكن نرجع بيها عز أيا الملوك فؤاد و محمد علي باشاش الكبير..... يا نهار أسود الناس معملتش حاجة ... طيب هم حيستنوا أيه ,,,, أي نعم أنا عايزاها ملكيه ... بس مش توريث يعني ...ملك أحنا اللي نجيبه ....؟

...............................................
و بعد الأنقلاب تسألت يا تري حنختار الريس بتاعنا قصدى جلالة الملك المفدي من مصر ولا من ألبانيا .... الحقيقة قعدت أفكر لاقيت أني لو حبيت أختارم نهنا مش ممكن حقدر الاقي حد لان كل الأغنيه اللي ممكن يكونوا ملوك هم الوزراء الفاسدين .... و أنا مش ناقصين فساد ....ريحتنا بقيت ولامؤخذه منتنه........ فقلت أيه رأيك يا بنت يا ياسو تختاري رئيس موريتاني ...." وش أصفر مزبهل " موريتاني أيه يا وليه .... دا دم جديد خالص علينا وبعدين أحنا وخدين علي الحكام البيض تيجي أنتي تضلميها من موريتانيا ... بس بعد ما ضربتها فدماغي لاقيت أن الأسود مفيش أحسن منه ولا أيه ....؟

التحـــرش الجنســـــي

و رؤس النعـــــــــــــام

الحقيقة انا بشكر محمد عبد المنعم الصاوى ....مش عشان هو صاحب المجلة اللي باكل منها عيش أو عشان هو صاحب الساقية لكن أنا فعلا بشكرة على حملة التحرش وأستنكرت بشدة ... الصحفية ... اللي كتبت في أخبار اليوم بكل جهل عن موضوع التحرش الصحفية إلهام أبو الفتح .... مين قالك أن هذه الحملة غير مدروسة .... هي طريقة من الطرق للحث فهي تنطلق من مبدأ كما تدين تدان ... مثلما تفعل ببنات الناس قد يُفعل ذلك في أمك اوأختك او زوجتك ..... لمتي سنظل منكسين الرؤس أمام مشكلتنا الأجتماعية ,,, حتي لو كانت حالات التحرش قليلة ... فلا ننسى أن سلبية المجتمع تحول دون أعتراف كثير من النساء عن أحداث التحرش بهن خوفا من النظرة الدونية لهم ...

إلى الصحفية الفاضلة إلهام ابو الفتح ... هذه دعوه منى أنا ياسمين السبع بان تستقلي اتوبيس 919 خط عمرو ابن العاص مدينة السلام في وقت الذروه .... و حدثيني عن ما سيحدث لكي في غياهب هذه المواصلة ...

وشكرا

عندما نشوه المستقبل بسخافات ....... ميلوديهيات

عندما يظهر بوبي هذا الفتي الأبيض ذو الكتل الهلامية ... خالعا ملابسه السوبرية .... متجها لانه قرر فجاة ان يتخلص من حياته التي اصابها الملل شخصيا .... فتظهر فجاة تلك الحسناء ذات الصدر المرتج الهلامي ..... لترجعه عن فكرة أنتحاره فينظر لعينيها الزرقاوين و تترجاه ان يعدل عن فكرة الانتحار و تذكره بابنه الزنجى "شكلها متصرفة فيه" حتي يقرر ان يعود فتظهر لك مؤخراتهم الهلامية .......

......................................................................................

ما سبق هو عرض سريع لما تتضمنه إعلانات قناة ميلودي"تتحدي الهبل " الملل .....

اعزي نفسي وكل من كان امله أن يخرج من ظهر جمال عبد الناصر ...

رجالا يحملون فكرا ومبدأ وهدف إلا انه قد خابت كل الظنون ..... عندما يخلق جمال اشرف مروان هذا الفكر في عقول الشباب الذي هو علي شفا حفرة الهاوية ... وهذا إن لم يكن في قاعها ....

أشرف مروان

فاصل إعلاني ......

تقف سيدة منكوشة في شرفة منزلها ... لتنشر الغسيل و فجاة تقف معلنه بملابس

زوجها الداخلية "البوكسر" رغبتها في تقليد شاكيرا .... و يرد عليها عربجى بشكل

قمئ "شاكيرا شاكيرا "

" اول إنجلش ..أول ذا تايم"

.............................

عدنا ...

مش حقلكوا قاطعوا ميلودي ... حتقاطعوا أيه قطيعة .... بس لازم يكون فيه حل لإيقاف هذه المهزلة .... وكفى إستخفاف بالعقول

أبجنى تجدنى...... وعجبى

عندما نصبح مجتمع فاسد و لا يقتصر الفساد علي السلطة بل يتواجد على كافة الأصعدة والمستويات ...و تصبح الرشوة و باللغة الدارجة "الشهيصة" و تمد الأيد من تحت الأوراق أو من فوقها أو في الدرج المفتوح .....

الحقيقة وعقبال الحبايب انا جبت عربية جديدة أهي ...

الله يبارك فيكوا

المهم قولت روح أعمل ترخيص ليها وعشان أخلص رحت عملتوا تبع والدى في الشرطة العسكرية المفروض أن الورق كل يتكلف بالكتير 300 جنيه بالمواصلات والبنزين ... ألحقيقة اكتشفت أني صارفة 600 جنيه من أول عامل الفحص لحدج أستلام النمر والمندوب اللي معايا عمال يطلع عشرة للورق و سبعين للبشر لما بقيت حتجنن .... المشكلة ان الموظفين بتنح الحقيقة كنت حموت وأصورلكن كلكوا عارفين أن المناطق العسكرية ممنوع التصوير فيها وهي دي الحصانة ... المصيبة أن اللي جوه السور بيرتشي واللي بره السور برتشي ..ط يب أعيش فين الحقيقة فكرت فوق السور بس المشكلة ان فوق السور سلوك شائكة